Հաստատման է ներկայացվում կրթահամալիրի կառավարման խորհրդի հունիսի 26-ի նիստում
«Մխիթար Սեբաստացի» կրթահամալիր
2023-2024 ուսումնական տարի
9-րդ դասարան. մասնագիտական կողմնորոշման ծրագիր
Ուսումնական պլան
Առկա ուսուցում
ԲՈՎԱՆԴԱԿՈՒԹՅՈՒՆ | ՇԱԲԱԹԱԿԱՆ ԺԱՄԱՔԱՆԱԿԸ |
Ընդհանուր բաղկացուցիչ | |
Հայոց լեզու | 3 |
Գրականություն | 2 |
Ռուսերեն | 2 |
Երկրորդ օտար լեզու | 3 |
Մաթեմատիկա | 5 |
Քիմիա | 1 |
Ֆիզիկա | 1 |
Կենսաբանություն | 1 |
Աշխարհագրություն | 1 |
Պատմություն | 2 |
Հասարակագիտություն | 1 |
Արվեստ | 2 |
Տեխնոլոգիա | 2 |
Ֆիզկուլտուրա և անվտանգ կենսագործ. | 2 |
Ռազմամարզական ճամբար | 5 օր (տարեկան) |
Սովորողի ընտրած գործունեություն | 4 |
Մասնագիտական կողմնորոշում | 1 |
Ուսումնական նախագիծ | 2 |
Ընդհանուր պարապմունք | 1,5 |
Ընդամենը շաբաթական | 35,5 |
Լրացուցիչ կրթություն | |
Տնային ուսումնական աշխատանք | |
Լրացուցիչ ուսուցման դասընթաց | |
Ուսումնական ճամփորդություն | |
Ուսումնական այլ նախագիծ |
Ուսումնական պլանի պարզաբանումներ
- Ուսումնական պլանը հեղինակային (պետական այլընտրանքային) կրթական ծրագրի (այսուհետ` Ծրագիր) սովորողի ուսումնառության պայմանագրի հավելվածն է:
- Կրթական ծրագիրը կազմակերպում է կրթահամալիրի Ավագ դպրոցը (այսուհետ՝ դպրոց):
- Ուսումնական պլանի պարզաբանումներում նշված կարգերը ուսումնական պլանի հավելվածն են, դրանցում փոփոխությունները հաստատվում են սահմանված կարգով:
- Ուսուցումը կազմակերպվում է կրթահամալիրի՝ սահմանված կարգով կազմված ուսումնական օրացույցով, կրթահամալիրային, դպրոցական, խմբային, անհատական ուսումնական աշխատանքով:
- Ուսումնական տարին կազմված է չորս շրջանից։ Առաջին և երրորդ շրջանները կազմակերպվում են միասնական ժամատախտակով, ուսումնական պարապմունքների դասացուցակով։ Երկրորդ և չորրորդ շրջանները կազմակերպվում են որպես ուսումնական ստուգատեսային-նախագծային ճամբարներ, սահմանված կարգով։ Յուրաքանչյուր շրջանում Սովորողի համար սահմանված կարգով կազմվում է անհատական ուսումնական պլան։
- Ռազմամարզական ճամբարները կազմակերպվում են ուսումնական տարվա ընթացքում, 2024թ. ամռանը։
- Դասարանում սովորողների միջին թիվը 24-26 է, չի կարող գերազանցել 30-ը։ Սովորողի ընտրությամբ գործունեությունը կազմակերպվում է 8-22 հոգիանոց խմբերով, սահմանված կարգով։ Կրթահամալիրի տնօրենի որոշմամբ կարող են գործել ավելի փոքրաքանակ խմբեր` կրթահամալիրի ոչ բյուջետային միջոցների հաշվին:
- Սովորողի նախասիրության զարգացման խմբակի՝ ակումբի անդամների նվազագույն քանակը 8 է:
- Ուսուցումը կազմակերպվում է ընդհանուրի օգտագործման և անհատական թվային միջոցների կիրառմամբ, սահմանված կարգով: Դասավանդողը և սովորողը դպրոց են գալիս անհատական թվային ուսումնական միջոցով, տանն ունեն համացանց: Կրթահամալիրը սահմանված կարգով դպրոցում ապահովում է անլար, ապահով համացանցից ուսումնական նպատակներով անարգել օգտվելու հնարավորություն:
- Սովորողն ունի ուսումնական բլոգ, որում սահմանված կարգով արտացոլվում է նրա ուսումնական գործունեությունը, այդ թվում նաև լրացուցիչ կրթությունը։ Անձնական ուսումնական բլոգի (կայքի) սահմանված կարգով վարումը սովորողի և դասավանդողի պարտադիր ուսումնական աշխատանք է:
- Կրթահամալիրի, դպրոցի կայքերին հետևելը և դրանց աշխատանքին մասնակցելը սովորողի ուսումնական աշխատանք են:
- Մեդիագրադարանը, դպրոցական գրադարանը, դասավանդողների, սովորողների, կրթահամալիրի ուսումնական կենտրոնների բլոգները, ամսագրերը սովորողին սահմանված կարգով տանը և դպրոցում ապահովում են անհրաժեշտ ուսումնական էլեկտրոնային և տպագիր նյութերով, միջոցներով:
- Սովորողների կարողություններին և պահանջմունքներին համապատասխան` կրթական ծրագիրն իրականացվում է առկա, հեռավար, առցանց, տնային ուսուցման ձևերով, դրանց համակցումով։
- Սովորողի ուսումնական ամբողջ աշխատանքն արտացոլվում է նրա ուսումնական բլոգում։
- Սովորողի ուսումնական գործունեության արդյունքները, ճամբարներին, ճամփորդություններին, ստուգատեսներին, առարկայական ֆլեշմոբներին, նախագծերին մասնակցությունը, սովորողի մասին անհրաժեշտ այլ տեղեկություններ սահմանված կարգով էլեկտրոնային գրանցում են ստանում:
- Հիգիենիկ պահանջների պահպանումը, ուսումնական ներքին և արտաքին տարածքների, գույքի խնամքը սովորողի ինքնուրույնության և ինքնասպասարկման արդյունք են:
- Շրջապատի, նյութական միջավայրի բարելավման, ուսումնական-հասարակական (քաղաքացիական կրթության) աշխատանքներն իրականացվում են սահմանված կարգով:
- Ուսումնական շաբաթը 5-օրյա է: Շաբաթ օրերին կարող են կազմակերպվել լրացուցիչ կրթության, ակումբային պարապմունքներ, հայրենագիտական, ուսումնական ճամփորդություններ, իրականացվել ուսումնական-հասարակական նախագծեր:
- Ուսումնական օրը սահմանված կարգով սկսվում է ընդհանուր պարապմունքով:
- Սահմանված կարգով իրականացվող ուսումնական ճամփորդությունները դասընթացների, ակումբային, ճամբարային գործունեության բաղկացուցիչն են:
- Սովորողի ընտրությամբ և լրացուցիչ կրթության դասընթացները, ակումբները կազմակերպվում են դպրոցի կաբինետներում, կրթահամալիրի ուսումնական կենտրոններում, քոլեջում, լաբորատորիաներում, արվեստանոցներում, արհեստանոցներում, այդ թվում՝ նաև ուսումնաարտադրական։
- Լրացուցիչ կրթության դասընթացների ցանկը, կազմակերպման կարգը հաստատում է կրթահամալիրի մասնաժողովը։ Սովորողը կարող է լրացուցիչ ուսուցման դասընթաց ստանալ նաև կրթահամալիրից դուրս։
- Ուսումնական պլանի և ուսումնական ծրագրերի կատարողականն արտացոլվում է դպրոցի ղեկավարի, դասավանդողների և սովորողների ուսումնական բլոգներում և սահմանված կարգով ներկայացվող էլեկտրոնային հաշվետվություններում. արդյունքները հանրայնացվում են հանրակրթական ստուգատեսների, ուսումնական օրացույցով որոշված տոների մասնակցության մոդուլներով, ցուցադրություններով, համերգներով, ներկայացումներով:
- Ըստ ուսումնական շրջանների սովորողի ուսումնական գործունեության գնահատման հիմքում դրվում են սովորողի անհատապես և խմբով կատարած, իր ուսումնական բլոգում հրապարակած աշխատանքները (այդ թվում` հետազոտական-ստեղծագործական-թարգմանական աշխատանք, ուսումնա-հասարակական նախագծերի, ուսումնական ճամփորդությունների, հայրենագիտական արշավների նյութեր, առաջադրանքների կատարում, լրացուցիչ կրթության նյութեր, ուսումնական նախագծերի, ուսումնական շրջանների հաշվետվություններ, ստեղծագործական ստուգատեսներին, հավաքներին, ցուցահանդեսներին, փառատոներին մասնակցության նյութեր), սահմանված կարգով: Կիրառվում են գնահատման տարբեր ձևեր, որոնք բերվում են 10 միավորանոց համակարգի: Խրախուսվում է սովորողի ուսումնական գործունեության ինքնահսկման և ինքնաստուգման ձևերի կիրառումը և հրապարակայնացումը մեդիայի միջոցով:
- Սովորողի ստեղծած այլ տեսակի արդյունքները սահմանված կարգով ներկայացվում են ցուցադրություններում, ցուցահանդեսներում, համերգներում, ստեղծագործական հավաքներում։
- Կրթական ծրագիրն ավարտողի տարեկան գնահատումը սահմանված կարգով կազմակերպվում է «Ելք» ստուգատեսով։
- Ուսուցումը սահմանված կարգով կազմակերպվում է ուսումնական պարապմունքների տարբեր տեսակներով, հիգիենիկ միջավայրում, այդ թվում՝ բացօթյա, արտագնա, Արատեսի ուսումնական կենտրոնում։
- Առարկայական դասընթացների ծրագրերը կազմակերպվում են ուսումնական մոդուլներով։
- «Գրականությունը» ներառում է նաև արևմտահայերեն, բարբառով, միջին հայերեն և գրաբար ընթերցումներ, թարգմանական աշխատանք։
- «Մաթեմատիկան» կազմված է «Հանրահաշիվ», «Երկրաչափություն» դասընթացներից։
- «Կենսաբանություն» առարկան կազմված է «Մարդու կազմախոսություն և մարմնի խնամք» դասընթացից, որը ներառում է էկոլոգիայի բաղկացուցիչ։
- Ֆիզիկայի, քիմիայի ուսումնական պարապմունքի ժամանակ դասարանը բաժանվում է երկու խմբի։
- Ուսուցանվող մի օտար լեզուն ռուսերենն է: Երկրորդ օտար լեզուն սովորողն ընտրում է անգլերեն, ֆրանսերեն, գերմաներեն, իսպաներեն, իտալերեն, վրացերեն, պարսկերեն, թուրքերեն ցանկից: Օտար լեզուները գործնական կիրառություն ունեն մյուս ուսումնական պարապմունքներում, միջմշակութային ուսումնական մոդուլներում, ուսումնական նախագծերում, ճամփորդություններում, հետազոտական աշխատանքում։
- «Տեխնոլոգիա» առարկան կազմված է «Տնային տնտեսվարություն», «Միջավայրի խնամք և բարեկարգում», «Պարտեզի խնամք», «Դիզայն-խեցեգործություն», «Բույսերի խնամք», «Կենդանիների խնամք», «Կարուձև», «Խոհարարություն» դասընթացներից, ծեսերի, տոների, ցուցադրությունների, տոնավաճառների, սպասարկման ուսումնական մոդուլներով: Ուսումնական պարապմունքի ժամանակ դասարանը բաժանվում է երկու խմբի։
- «Արվեստ» առարկան կազմակերպվում է երաժշտության, պարի ուսուցման, արվեստի տարբեր տեսակների վերաբերյալ, ծեսի, տոնի, համերգի, ցուցադրության կազմակերպման ուսումնական մոդուլներով:
- «Ֆիզիկական կրթություն, ՆԶՊ և անվտանգ կենսագործունեություն» բնագավառը ներառում է սովորողի ընտրած անհատական կամ թիմային մարզաձևի պարապմունքները, մրցումները, ռազմամարզական խաղերը, սահմանված կարգով ռազմամարզական ճամբարի կամ հավաքի մասնակցություն: Սովորողին առաջարկվող մարզական ակումբներն են նետաձգություն, սուսերամարտ, մարմնամարզություն, ֆուտբոլ, բասկետբոլ, վոլեյբոլ, ձեռքի գնդակ, սեղանի թենիս, հրաձգություն, ձյուդո: Որպես լրացուցիչ կրթության մարզական ակումբ՝ սովորողը կարող է ընտրել լող, հեծանվավարություն, եռամարտ, ձիավարություն, մարզական այլ ակումբի պարապմունքներ: Անվտանգ գործունեության հմտություններ սովորողը գործնական եղանակով ձեռք է բերում բազմամարտի նախագծերի, քայլարշավների, բարձունքներ հաղթահարելու, ռազմամարզական ճամբարների ժամանակ:
- Սովորողը սահմանված կարգով շաբաթական 4 ժամ իրականացնում է իր ընտրությամբ գործունեություն՝ 2 կամ 4 ժամանոց ծրագրերով՝ քերականության, մաթեմատիկական, բնագիտական (ֆիզիկոսի, աստղագետի, քիմիկոսի, կենսաբանի), ինժեներական-տեխնիկական, ծրագրավորողի, կինո-ֆոտոյի, մեդիալրագրության, օտար լեզվի (գերմաներեն, վրացերեն, պարսկերեն, թուրքերեն, ֆրանսերեն, անգլերեն, ռուսերեն, իսպաներեն, իտալերեն)-թարգմանչության, խաղողի և գինու դպրոցի (գինեգործության), գրաֆիկ դիզայնի, մետաղի և քարի գեղարվեստական մշակման, պատմաբան-հնագետ-ազգագրագետի, երգչախմբային, վոկալ-գործիքային, մարզական, արհեստավորի (այդ թվում՝ նաև բրուտի, ատաղձագործի, պարտիզպանի, այգեգործի, խոհարարության, հացաթխում, կարուձևի, գորգագործության-ասեղնագործության)։
- Սովորողը սահմանված կարգով կարող է ընդգրկվել կրթահամալիրի ակումբներում։
- Սովորողը սահմանված կարգով իրականացնում է մասնագիտական կողմնորոշման նախագծեր։
- Սովորողը սահմանված կարգով իրականացնում է իր ընտրությամբ ուսումնական-նախագիծը։
- Ուսումնական դասընթացներից լրացուցիչ (տնային) առաջադրանքները, ամենամսյա առարկայական ֆլեշմոբները սովորողի ընտրությամբ են։
- Ուսումնական ճամփորդությունները, ուսումնական և այլ նախագծերը կազմակերպվում են ուսումնական տարվա երկրորդ, չորրորդ՝ ճամբարային շրջաններում, առաջին և երրորդ շրջանների նախագծային ուսուցման շաբաթներում, ուսումնական արձակուրդների ընթացքում, սահմանված կարգով։
Տնային-Ընտրել եմ
Ընտւորթյան ձևը-Ֆիզիկոս-Աստղագետ
Լրացուցիչ հաճախում դպրոցից դուրս-ոչ։
Երկարօրյաից օգտվում եք-ոչ
Դպրոցի տրնասպորտ(միակողմանի, երկկողմնանի)-ոչ
Ֆիզկուլտուրայի ձև-նետաձգություն։